BIDASOKO NAZIOARTEKO XXIV. ZINEMALDI ARKEOLOGIKOA 2024ko azaroaren 11tik 16ra egingo da. Zinemaldiaren xedea da gizartean arkeologia ezagutzera ematea eta jendea diziplina horretara hurbiltzea, ikerlan arkeologikoen emaitzak jasotzen dituzten ikus-entzunezko obren bidez, oinarri hauen arabera: PARTE HARTZEA Edozein nazionalitatetako pertsonek eta erakunde publiko edo pribatuek ekoitzitako genero guztietako dokumentu zinematografikoek parte hartu ahalko dute Zinemaldian (dokumentala, fikzioa, erreportajea, ikerlana...), betiere, edukia arkeologiaren eta teknika arkeologikoen, etnoarkeologiaren, ondare arkeologikoaren eta kontserbazioaren esparrukoa bada. BALDINTZA TEKNIKOAK Dokumentu zinematografikoak formatu digitalean aurkeztuko zaizkio hautaketa-batzordeari, deskargatzeko esteka bat edo dokumentua bera WeTransfer, Dropbox, Drive edo antzeko plataformaren baten bidez bidalita. Obrak helbide elektroniko hauetako edozeinetara bidali behar dira: • ficab.oiasso@irun.org • ficab.oiasso@gmail.com Era berean, Festhome plataformaren bidez ere eman daiteke izena (festhome.com), esteka honetan: http://festhome.com/f/1213