Dock of the Bay Musika Dokumentalen Donostiako Zinema Jaialdiak bere sail paraleloak aurkeztu ditu, irratsaioak eta Klubeko saioak, besteak beste. Deustu Irratiaren kolaborazioarekin, eta Publiko Berriak sailaren barruan, asteartean, maiatzak 2, Plano secuencia eskainiko da zuzenean 17:30etik 18:30era, gazteenei zuzendutako irratiko zuzeneko saioa.

 

Ostiralean, hilak 5, 17:30etik 18:30era, mikrofonoetara itzuliko dira Asier Leoz eta Juan Luis Etxeberria, El disco de tu vida saioan Magia Bruta taldeko Isabel Fernandez elkarrizketatzeko. Lagunen arteko elkarrizketa da El disco de tu vida, oroitzapenerako eta gure bizitzan arrastoa uzten duten eta gauzak ikusteko, entzuteko eta bizitzeko modua aldatzen duten abestietarako bidaia. Oraingo honetan, The Beach Boys taldearen Smile diskoa aukeratuko dute.

 

Hurrengo egunean, larunbatean, maiatzak 6, 13:00etan, Docks&Talks zuzeneko irratiaren uhinak iritsiko zaizkigu Donostiatik, Ines Calero eta Laura Garciaren eskutik. Podcast hau sorkuntzako dokumental garaikidearen arloan egiten dena ulertu eta aztertu nahi izatearen pasiotik sortutakoa da. Docs&Talks zinema independenteari eta hura zirkulatzen ari den espazioei buruzko hausnarketak eta analisia partekatu eta ezagutarazi nahi izatearen desiotik eta beharretik sortu zen.

 

Kutxa Kultur Klubetik egingo dira Dock of the Bay jaialdiaren barruko zuzeneko irratsaio guztiak.

 

Jaialdiak Altxerri eta Dabadaba aretoekin lortu duen lankidetzaren berri ere eman du; hainbat sesio egingo dira areto horietan. Hauxe da egitaraua:

 

Astelehenean, maiatzak 1, Dock of the Bay jaialdiaren inaugurazio-jaia egingo da Altxerrin, 21:30ean, DJ Alfredo Ignacio eta DJ P3z disko-jartzaile ezagunen musikarekin. Avant-idiot-garde orkestrak, swing polinesiarra, Bierzoko cha-cha-cha, Saskatchewan probintziako twista eta Pirinioen aurreko soinu eztarriko hotsak dira DJ Alfredo Ignacio disko-jartzailearen maletatik irtengo diren erritmoetako batzuk; DJ P3z-k, berriz, sustraietako musika beltza (jazza, soula, latindarra, funka) musika elektroniko organikoenarekin konbinatuko du.

 

Ostegunean, hilak 4, 23:00etan, Dabadaban, karaoke gau dibertigarria izango dugu ospakizunen barruan, eta denok erakutsi ahal izango dugu gure musikarako talentua.

 

Maiatzaren 5ean, ostirala, Altxerrira itzuliko da jaia, DJ Li eta DJ Gautxosen musikarekin; haien nahasketarik onenekin, zirrara eragingo diote jendeari. Rocksteadya, Italiako 60ko hamarraldiko musika eta Soula, Rock flamenkoa eta Frantziako 80ko hamarraldiko doinurik finenak; hori guztia ekarriko digu DJ Li disko-jartzaileak, genero ezberdinak ukituz, bere musika-eklektizismoarekin. Biniloen bildumagilea da bera, eta Mallorcatik datorkigu, Mediterraneoko udako brisa ekartzera, 45 rpm-ko erritmoarekin. DJ Gautxos, berriz, txikitatik hasi zen diskoen bilduma egiten. Gaur egun, Estatuko binilo-bildumarik nabarmenetako bat du, eta hainbat aldizkari espezializatutan agertu da. Bilbon jaio zen, baina Mallorcan bizi da 2017. urtetik, eta 25 urte baino gehiagoko esperientzia du disko-jogailuen atzean. Toki oso enblematikoetan aritu da, hala nola Madrilgo Via Lactea, Free Way eta 4 Latas tabernetan, eta Bilboko Bullit diskoteka mitikoan, non sarritan jarduten zuen.Azkena Rock Festival eta Low jaialdietan ere ikusi izan dugu. Eklektizismoa da bere emanaldien ezaugarri nagusia, eta bere gustu-espektro zabalaren isla argia dira.

 

Ostiralean, gainera, maiatzak 5, 21:00etatik aurrera, Gastro Soul Partyren emanaldia izango dugu, Gastronomiaren Euskal Kofradian. Dave Mack (Doncaster-Erresuma Batua), Gautxos (Mallorca/Bilbo), Roberto Tortuga (Baiona) eta Ritxi Skatalite (RGS) arituko dira, Reaggae Got Soul Kolektiboari esker.

 

Larunbatean, maiatzak 6, 00:30etik aurrera, DJ Uncle Mike entzutetsua arduratuko da Dock of the Bay jaialdiaren amaierako jaiaz; gau benetan ahaztezina izango du Altxerrin. Mike Schnapp, DJ Uncle Mike izenarekin ezagunagoa, New Yorkeko musika zale amorratua da. Aktorea, egilea, DJa, zinema-ekoizlea, musika-ekoizlea eta argazkilaria da.