2024-06-21
PORTUGALETEKO XVI ZINEMA EXPRESS JAIALDIAN IZENA EMATEKO EPEA ZABALIK
![](https://www.basqueaudiovisual.eus/uploads/noticias/2024/06/21/1718972456_dd2dfa4c06b8674d498e.jpg)
Urriaren 5ean, Portugaleteko XVI Zinema Express Jaialdia izango da. Zinema Express Jaialdia ez da ohiko lehiaketa, izan ere lehiaketara aurkeztuko diren film laburrak jaialdiaren egunean bertan “express” filmatuko dira. 10 orduan bakarrik, eta norberaren ekipoarekin, partaideek lanak pentsatu, gidoiak prestatu, filmatu eta editatu beharko dituzte: benetako erronka!
Film labur guztiek gai bera izan beharko dute (partaideek jaialdiaren egunean bertan ezagutuko dituztenak) eta antolatzaileek proposatutako hiru lokalizazio gutxienez erabili beharko dira. Parte hartzeko ez da beharrezkoa profesionala izatea ezta ezagutza tekniko berezirik izatea ere, istorio bat eraikitzeko gogoa, sormena eta esperimentazioa baino ez dira behar.
Izena eman nahi duten pertsonek, gure webgunean prestatu dugun formularioa erabil dezakete: https://www.festivalcineexpress.com/eu/izena-ematea/
Izena emateko epea 2024ko irailaren 16ra arte zabalik egongo da. Antolatzaileek eskubidea izango dute izen emateak data hori baino lehen ixteko parte hartzeko plazak betetzen badira.